Rambi ninakutumia, ulipo
mtanzania
Hivi sasa waumia,
shetwani kakuwania
Akaiba watu mia, Maisha
wakipania
Makiwa Tanzania, sote tutaacha dunia
Sikitiko familia, zisizo
nayo hatia
Mwenzako nakulilia, uchungu un’opitia
Mwovu keshaingilia,
mavune akakutia
Makiwa Tanzania, sote tutaacha dunia
Naomba kukuchochea,
jambo la kusaidia
Lawama zitatokea, na
vita kushuhudia,
Ni vema kujitolea,
subira kujifidia
Makiwa Tanzania, sote tutaacha dunia
Simanzi kikutandia,
na vilio vya tanzia
Mori inakupandia, hujui
pa kuanzia
Mola atakushindia,
tumaini kusanzia
Makiwa Tanzania, sote tutaacha dunia
Toka Kenya na hisia, maswali
kiulizia
Sina changu kugusia,
wala neno kuvizia
Ninamwomba Masia, heri
akakujazia
Makiwa Tanzania, sote tutaacha dunia
Post a Comment