KOSA SI NYERI

Semeni msemayo, kuwahusu wanawake,

Ila siwi mchoyo, kutoa ushauri mtake

Shida ni ubogoyo, jamani usinicheke

Kosa si kuzawa Nyeri, kuna binti khatari

Wapo baadhi yao, wa kiapo kikali

Dada ajabu hao, waishi kama tumbili

Penzi si lengo lao, ni mapesa hawajali

Kosa si kuzawa Nyeri, kuna binti khatari

Wakati uli’nacho, furaha maisha yenu

Mcheze mwajificho, mkae na yeye penu

Ukifumbuka macho, ‘mesagika kwenye kinu

Kosa si kuzawa Nyeri, kuna binti khatari

Wapi sasa makundi, yajiitayo JINSIYA

Tangu kuje vipindi, Nyeri waume waliya

Koti sasa hamwendi, katiba kutusomeya

Kosa si kuzawa Nyeri, kuna binti khatari

Ole wako eh kaka, fununu ifike kwamba

Ulitisha “kumtaka”, mwanamwali kumpamba

Machozi yat’oneka, ya was’oheshimu nyumba

Kosa si kuzawa nyeri, kuna binti khatari

Ndu’ yangu mdogo, nisikizie makini

‘Kipendwa na muhogo, rojo atakuthamini

Subiria kidogo, soma mpenzi kwa ndani

Kosa si kuzawa Nyeri, kuna binti khatari

Wangu nishampata, iligharimu magoti

Ni chetu tukipata, tulivyopewa na cheti

Magumu kitupata, hatupigani vijiti

Kosa si kuzawa Nyeri, kuna mabinti hatari