Dunia ina mapigo, yenyewe yana makali,
Kuwapoteza vigogo, kwaniachia maswali,
Nitulizeni kidogo, hata kwa dakika mbili,
Kwaheri nakupa Darwesh.
Dunia nayo twapita, humu tumo safarini,
Mawaidha nayanata, kunakili akilini,
Kujiepusha matata, siku ile hukumuni,
Kwaheri nakupa Darwesh.
Katuondoka Marjani, n'kafyata hili domo,
Hadi sasa ombolezini, sasa natia kikomo,
Naendelea mwakani, wasia pasi kipimo
Kwaheri nakupa Darwesh.
Ninyi ninyi binadamu, tayari kwa kunisoma,
Naandika mfahamu, kila siku kujituma,
Kuishi nayo nidhamu, na kukumbuka kiama,
Kwaheri nakupa Darwesh.
Post a Comment