Buriani

Makaa ni mwenzangu. Nilizaliwa kwao, tukaishi pamoja, tukala, tukanywa, tukacheza, tukaimba pamoja. Hata hivyo hivi karibuni nimejipata nikimsuta. Nimesuta si kwao,  si anavyoishi, si anavyokula,ai anavyokunywa, si anavyocheza, si anavyoimba...Sielewi mbona namtoroka ndugu yangu wa toka nitoke na kumfuata Hari. Hari alitupata tukichza mwajificho kiamboni. Alitufunza michezo ya kwao. Punde nilipoteza hamu na michezo ya kwetu. Baadaye tulienda kwao na nilipoonja chakula chao, sijui kilichonifanyikia ila nilianza kukichukia cha kwetu.

Isitoshe, mimi na Makaa tulizoea kuvaa ngozi za ngombe zilizosetiri miili yetu vikamilifu. Hata huo mtindo ulianza kuniudhi baada ya kuona mavazi ya akina Hari yalivyokuwa. Nikaapa sitovalia ya akina hari tena. Kimsingi, nimechukia maisha ya akina Makaa. Leo asubuhi nilimpa mkono wa buriani. Najua babangu alikuwa mjakazi wa akina Hari ila hilo halinitishi kwa sasa. Maadamu nina kazi nzuri ya kukidhi mke na wanangu sijali kutawaliwa kiakili.